പത്രക്കുറിപ്പുകള്‍

ശ്രീ ചിത്രയിലെ ചികിത്സാ ഫീസുകള്‍ വന്‍ തോതില്‍ വര്‍ദ്ധിപ്പിച്ച നടപടി ഉടന്‍ റദ്ദാക്കണം

ശ്രീ ചിത്രാ മെഡിക്കല്‍ സെന്ററില്‍ ഒക്റ്റോബര്‍ ഒന്ന് മുതല്‍ ചികിത്സാ ഫീസുകളില്‍ വന്‍തോതില്‍ വര്‍ദ്ധനവ് നിശ്ചയിച്ചുകൊണ്ട് F&A Divn/ Charge Revision(1) 2015-2016, Dated – 10.09.2015 ആയി പുറപ്പെടുവിച്ച ഉത്തരവ് ഉടന്‍ റദ്ദാക്കണമെന്ന് സി.പി.ഐ(എം) ജില്ലാ സെക്രട്ടറി കടകംപള്ളി സുരേന്ദ്രന്‍ പ്രസ്താവനയില്‍ ആവശ്യപ്പെട്ടു. ശ്രീ ചിത്രയില്‍ നിലവിലുള്ള രജിസ്ട്രേഷന്‍ ചാര്‍ജ് 250 രൂപയില്‍ നിന്നും 750 രൂപയായും, രോഗികള്‍ക്കുള്ള റിവ്യൂ രജിസ്ട്രേഷന്‍ ഫീസ്‌ 150 രൂപയില്‍ നിന്നും 500 രൂപയുമായാണ് നിശ്ചയിച്ച് ഉത്തരവായിട്ടുള്ളത്‌. ഒറ്റയടിക്ക് ഇരുന്നൂറ് ഇരട്ടിയായാണ് രോഗികളുടെ രജിസ്ട്രേഷന്‍ ഫീസ്‌ ഉയര്‍ത്തിയിരിക്കുന്നത്. രോഗികള്‍ക്ക് വരുമാനത്തിന്റെ അടിസ്ഥാനത്തില്‍ നല്‍കിവരുന്ന സൗജന്യങ്ങളിലും കാതലായ മാറ്റങ്ങള്‍ വരുത്തിയിരിക്കുന്നു.

കേന്ദ്ര സംസ്ഥാന സര്‍ക്കാരുകളുടെ അഴിമതിക്കും ജനവിരുദ്ധനയങ്ങള്‍ക്കുമെതിരെ സിപിഐ എം നേതൃത്വത്തില്‍ സംഘടിപ്പിക്കുന്ന ജനകീയപ്രതിരോധത്തിനായി ജനലക്ഷങ്ങള്‍ സമരകേന്ദ്രങ്ങളിലെത്തിതുടങ്ങി. വൈകിട്ട് നാലിന് പ്രതിരോധം തുടങ്ങും. മഞ്ചേശ്വരം താലൂക്ക് ഓഫീസുമുതല്‍ തിരുവനന്തപുരം രാജ്ഭവന്‍വരെ ആയിരം കിലോമീറ്ററില്‍ ഒരേമനസ്സായി അണിനിരക്കാന്‍ പ്രവര്‍ത്തകരും അനുഭാവികളും ധര്‍ണാ കേന്ദ്രങ്ങളിലേക്ക് നീങ്ങി തുടങ്ങി. ചെങ്കൊടിയേന്തി പ്രകടനമായാണ് സ്ത്രീകളും കുട്ടികളുമടങ്ങുന്ന സംഘങ്ങള്‍ പ്രതിരോധത്തിനെത്തുന്നത്. ഉച്ചയോടെതന്നെ റോഡിലെങ്ങും ചെറിയ പ്രകടനങ്ങള്‍ എത്തിതുടങ്ങിയിരുന്നു.

എംസി റോഡില്‍ അങ്കമാലിമുതല്‍ കേശവദാസപുരംവരെ 241 കിലോമീറ്ററും, വയനാട് ജില്ലയില്‍ 29 കേന്ദ്രങ്ങളിലായി 52 കിലോമീറ്ററും, പാലക്കാട് ടൗണ്‍മുതല്‍ ഷൊര്‍ണ്ണൂര്‍ കൊളപ്പുള്ളിവരെ 72 കിലോമീറ്ററും, ഇടുക്കിയില്‍ 75 കിലോമീറ്ററും ജനകീയ പ്രതിരോധ ധര്‍ണ സംഘടിപ്പിക്കും. ആഗസ്ത് ഒന്നുമുതല്‍ 14 വരെ അഖിലേന്ത്യാതലത്തില്‍ സിപിഐ എം നടത്തുന്ന പ്രക്ഷോഭത്തിന്റെ ഭാഗമായാണ് സംസ്ഥാനത്ത് പാതയോരത്ത് ധര്‍ണ നടത്തുന്നത്. നാലിനാരംഭിക്കുന്ന പ്രതിരോധത്തില്‍ 4.50ന് എല്ലാവരും എഴുന്നേറ്റുനിന്ന് കൈകോര്‍ത്ത് പ്രതിജ്ഞയെടുക്കും.അഞ്ചിന് പ്രതിരോധം അവസാനിപ്പിക്കും.

ഭക്ഷ്യസുരക്ഷ, തൊഴിലുറപ്പു പദ്ധതി പരിമിതപ്പെടുത്തല്‍, കോര്‍പറേറ്റ് വല്‍ക്കരണം, അഴിമതി എന്നിവയാണ് കേന്ദ്രതലത്തില്‍ ഉയര്‍ത്തുന്ന മുദ്രാവാക്യങ്ങള്‍. മഞ്ചേശ്വരത്ത് പൊളിറ്റ് ബ്യൂറോ അംഗം എസ് രാമചന്ദ്രന്‍പിള്ള ആദ്യ കണ്ണിയാകും.ഇങ്ങേയറ്റം തിരുവനന്തപുരത്ത് സിപിഐ എം ജനറല്‍സെക്രട്ടറി സീതാറാം യെച്ചൂരി അണിചേരും. പൊളിറ്റ് ബ്യൂറോ അംഗം പിണറായി വിജയന്‍, സംസ്ഥാന സെക്രട്ടറി കോടിയേരി ബാലകൃഷ്ണന്‍ എന്നിവരും രാജ്ഭഭവന് മുന്നില്‍ പങ്കെടുക്കും.

പ്രതിരോധത്തിന്റെ പ്രചാരണത്തിന്റെ ഭാഗമായി ലഘുലേഖാവിതരണവും കുടുംബയോഗങ്ങളും കാല്‍നടജാഥകളും പോസ്റ്ററും ചുവരെഴുത്തുമായി ദിവസങ്ങള്‍ക്കുമുമ്പുതന്നെ നാടുണര്‍ന്നുകഴിഞ്ഞു. കുടുംബയോഗങ്ങളിലും കാല്‍നടജാഥകളിലും ആയിരങ്ങളാണ് അണിനിരന്നത്. നാടിന്റെ മുക്കിലുംമൂലയിലുംവരെ സഞ്ചരിച്ച കാല്‍നടജാഥകളെ പുതിയ തലമുറ ആവേശത്തോടെ സ്വീകരിച്ചു. നൂതനമായ സമരപ്രചാരണരീതികള്‍ നവമാധ്യമങ്ങളിലുള്‍പ്പെടെ സജീവ ചര്‍ച്ചകള്‍ക്ക് തുടക്കമിട്ടു. പ്രചാരണത്തിന്റെ ഭാഗമായി തയ്യാറാക്കിയ ചെങ്കനല്‍ എന്ന ഹ്രസ്വചിത്രത്തിനും വന്‍ സ്വീകരണം ലഭിച്ചു.

- See more at: http://deshabhimani.com/news-kerala-all-latest_news-491172.html#sthash.ng7DOyZE.dpuf
ഇടത്തരക്കാരും സാധാരണക്കാരും എല്ലാം ഉള്‍പ്പെടുന്ന ബി ഒന്ന് കാറ്റഗറിയ്ക്ക് നല്‍കി വന്നിരുന്ന അറുപതു ശതമാനം ചികിത്സാ ഫീസ്‌ ഇളവ് റദ്ദാക്കിയിരിക്കുന്നു. ബി, ബി ഒന്ന് കാറ്റഗറികള്‍ കൂട്ടിയോജിപ്പിച്ച് ബി എന്ന ഒറ്റ കാറ്റഗറിയാക്കി മാറ്റുക മാത്രമല്ല ചികിത്സാ ഫീസ്‌ ഇളവ് അറുപത് ശതമാനത്തില്‍ നിന്നും മുപ്പത് ശതമാനത്തിലേക്ക് കുറയ്ക്കുകയും ചെയ്തിരിക്കുന്നു. കൂടാതെ മറ്റ് ചികിത്സാ ചിലവുകളുടെയെല്ലാം ഫീസ് വദ്ധിപ്പിക്കുന്നതിന് പ്രത്യേക കമ്മിറ്റിയെ നിയോഗിച്ച് പഠനവും പുരോഗമിക്കുന്നതായാണ് മനസിലാക്കുന്നത്‌. ഇപ്പോള്‍ തന്നെ ഒ.പിയില്‍ വരുന്ന രോഗികള്‍ ഇ.സി.ജി, എക്സ്റേ, സി.റ്റി സ്കാന്‍, അള്‍ട്രസൗണ്ട് സ്കാനിംഗ് തുടങ്ങി എല്ലാ പരിശോധനകള്‍ക്കും വലിയ ഫീസ്‌ നല്‍കുന്ന അവസ്ഥയാണ് ഉള്ളത്.
 
ഇത് ഇനിയും വര്‍ദ്ധിപ്പിക്കാനുള്ള പഠനം അനാവശ്യവും ജനദ്രോഹവുമായ നടപടിയാണ്. ശ്രീ ചിത്രയില്‍ സാമ്പത്തിക പരാധീനത പരിഹരിക്കുവാന്‍ രോഗികളെ പിഴിയുവാന്‍ കൈക്കൊണ്ട തീരുമാനം ഒരുതരത്തിലും ന്യായികരിക്കാവുന്നതല്ല. നിലവിലുള്ള കേന്ദ്ര-സംസ്ഥാന സര്‍ക്കാരുകളുടെ ജനവിരുദ്ധ നയം ശ്രീ ചിത്രയിലെ അധികൃതരെയും സ്വാധീനിക്കുന്നുവെന്നാണ് ഈ തീരുമാനത്തിലൂടെ മനസിലാക്കുവാന്‍ കഴിയുന്നത്‌. സംസ്ഥാനത്ത് നിന്ന്‍ മാത്രമല്ല രാജ്യത്തിന്റെ നാനാഭാഗത്തു നിന്നും നിത്യേന ചികിത്സാ തേടിയെത്തുന്ന നൂറുകണക്കായ രോഗികളെ പിഴിയാനുള്ള കച്ചവട കേന്ദ്രമാക്കി തലസ്ഥാനത്തെ പുരാതനമായ ശ്രീ ചിത്ര മെഡിക്കല്‍ സെന്ററിനെ മാറ്റാനാവില്ല. ലാഭം ലക്ഷ്യമിട്ട് ആരംഭിച്ച സ്ഥാപനമല്ല ശ്രീ ചിത്ര മെഡിക്കല്‍ സെന്റര്‍. ഈ സ്ഥാപനത്തിന് ആവശ്യമായി വരുന്ന അധിക സാമ്പത്തിക ബാധ്യത കേന്ദ്ര സംസ്ഥാന സര്‍ക്കാരുകള്‍ ഏറ്റെടുക്കാന്‍ സന്നദ്ധമാകണം.
 
അതല്ലാതെ രോഗികളെ പിഴിയാനുള്ള ഏത് തീരുമാനത്തെയും ശക്തമായി എതിര്‍ക്കുമെന്നും അതിന് ആവശ്യമായ ജനകീയ പ്രക്ഷോഭങ്ങള്‍ക്കും നേതൃത്വം നല്‍കുമെന്നും സി.പി.ഐ(എം) ജില്ലാ സെക്രട്ടറി കടകംപള്ളി സുരേന്ദ്രന്‍ പ്രസ്താവനയില്‍ അറിയിച്ചു.
Last modified on Monday, 04 January 2016 23:53
CPIM TVM DC

Kattayikonam V Sreedhar Smaraka Mandiram, Mettukkada,Thaikadu, TVM -14.

Phone: 0471-2324107, 2324689 | E-Mail : cpimdctvm@gmail.com

Copyright © 2015. CPIM Thiruvananthapuram District Committee. All Rights Reserved. Designed by Mahesh